கடுந்துயருற்ற காதலர்கள்

கறுப்பு நிறத்துக்கு இசைவான கடும்பச்சைப் பின்னணியில் ஒரு த�ொகை நந்தியாவட்டைப் பூக்கள் சற்றேனும் அசையாமல் அவளையே பார்த்துக் கொண்டிருந்தன; ஜன்னல் கம்பிகளினூடாக, இரவின் இருள் முற்றத்தை எட்டப்போகும் நேரத்தில். ஜன்னல் சட்டத்தினூடாகத் தென்பட்ட முற்றத்தைச் சூழவுள்ள மொத்த சூழலுமே கறுப்பு நிறத்துக்கு இசைவான கடும்பச்சைப் பின்னணியில் நெருக்கமாகப் பரந்திருந்த வெண்ணிற நந்தியாவட்டைப் பூக்களால் மூடப்பட்டிருந்தது அவளது விழிகளை வேறெதையும் பார்க்க விடாமல். சரியாக கண்மணியின் நடுவில் நந்தியாவட்டைப் பூக்கள் பூத்திருந்தன அவளது ஒரு விழியில் ஒன்றென. ஆறு மணி செய்தியறிக்கை முடிந்ததன் பிறகு ஜன்னல் கதவுகளைத் திறந்து விட்டு ஜன்னலின் சதுரச் சட்டத்துக்கு நேராக அமர்ந்து கொண்ட அவள், வெண்ணிற நந்தியாவட்டைப் பூக்கள் கறுப்புப் பின்னணியிலிருந்து மறைந்து போனதன் பிறகுதான் விழிகளை அதிலிருந்தும் அகற்றினாள்.

FathimaBooks.com Commonfolks.in